Ione

Moda eta jostungintza txikitatik izan dira nire bizitzaren parte.

Sormenarekiko eta eskulanarekiko pasio horrek Bartzelonara eraman ninduen, Felicidad Duce eskolan Moda Diseinua ikastera. Han ikasi nuen ideiak jantzi bihurtzen, baina batez ere, nire bokazioa benetan zein zen aurkitu nuen.

Euskal Herrira itzuli nintzenean, Tabakalerako Kutxa Kultur programaren parte izateko aukera izan nuen hiru urtez. Nire ibilbideko urte erabakigarriak izan ziren: sortzeko, ikasteko eta nire ahotsa diseinatzaile gisa aurkitzeko garaia. Etapa horretan bete nuen nire amets handienetako bat ere: nire bilduma propioa Balenciaga Museoan eta San Telmo Museoan aurkeztea.

Baina, amets horiek betetzen ari nintzen bitartean, barruan beste desio bat hazten ari zen: nire espazio propioa sortzea. 2020an, nire familiaren babes eta konfiantzari esker, pausoa ematea erabaki nuen eta nire atelierra ireki nuen.

Gaur egun, niretzat jostea ez da soilik lanbide bat. Istorioak entzutea, emozioak partekatzea eta une berezietan laguntzea da. Horregatik, emaztegai bakoitzarekin prozesu oso pertsonala bizitzen dut; lehen ideiatik azken probara arte. Nire helburua ez da soilik soineko bat sortzea, baizik eta emakume bakoitzaren nortasuna, indarra eta edertasuna islatuko dituen pieza bakarra egitea.

Atelier honetan sortzen den soineko bakoitzak bere istorioa du. Eta niretzat pribilegio handiena da istorio horren parte izatea.

Eskatu hitzordua